Завхан аймаг

Завхан аймаг нь Ардын Засгийн газрын 1923 оны 10 дугаар сарын 9-10-ны өдрийн хуралдаанаар байгуулагдсан улсын ууган дөрвөн аймгийн нэг болно. Улмаар 1931 оны 2 дугаар сарын 18–ны өдрийн Улсын бага хурлын Тэргүүлэгчдийн 7 дугаар тогтоолоор Хантайшир уулын аймгийг татан буулгаж, Завхан аймгийг байгуулах шийдвэрийг гаргасан түүхтэй.

Зургийг: Завхан аймаг ЗДТГ

Хангай нурууны ноён оргил Отгонтэнгэр хайрхан нь далайн түвшнээс 4021м өргөгдсөн, Завхан аймгийн Алдархаан болон Отгон сумын нутагт оршдог. Отгонтэнгэр хайрханыг анх VI зууны үеэс тахиж ирсэн гэх бөгөөд 1779 оноос сэргээн тахиж байгаад улмаар Олноо өргөгдсөний тэргүүн оноос эхлэн Бурханы шашны ёсоор тайж тахиж ирсэн түүхтэй.

Зургийг: Н.Сүхбат