Тэрээр Тэс сумын иргэдтэй уулзалт хийж, Засаг даргын ажлаа авсанаас хойших хийж хэрэгжүүлсэн ажлуудаа тайлагнаж, сумын иргэдийн санал хүсэлтийг сонсов.

Уулзалтад Тэс сумаас аймгийн ИТХ-ын төлөөлөгчөөр сонгогдон ажиллаж буй төлөөлөгч Д.Анхтэс оролцож сум орон нутагтаа хийсэн ажлаа тайлагналаа. Мөн “Арц суурь” боомтын суурин төлөөлөгч Э.Гүндсамбуу боомтын талаарх мэдээллийг өглөө.

Сумын иргэд Баянтэс, Тэс сумын хилийн маргааны асуудал, хилийн боомтын сэргэлтийг хэрхэн хийх, түлш шатахууны хомсдол, өвс тэжээлийн хүндрэл зэрэг асуудлууд тавьж ярилцав.

Мөн Засаг дарга Г.Өнөрбаяр тус сумын Ерөнхий боловсролын сургууль, Махны үйлдвэрийн үйл ажиллагаатай танилцлаа. Сургуулийн дулаалгын асуудлыг шийдвэрлэхээр болов.