Багшийн мэргэжил дээшлүүлэх институт Завхан аймгийн Боловсрол, соёл урлагийн газартай хамтран  “ХАМТДАА ХӨГЖЬЕ” хөтөлбөрийг 2020-2021 оны хичээлийн жилд амжилттай хэрэгжүүлж байна. Тус хөтөлбөрийг аймгийн Засаг дарга дэмжиж 2021 оны аймгийн хөгжлийн төлөвлөгөөнд орон нутгийн төсвөөс 5 сая төгрөг, байгууллагын өөрийн хөрөнгөнөөс 5 сая төгрөгийг тус тус зарцуулахаар төлөвлөн ажиллаж байна.

 

Нийт 28 удаагийн 90 цагийн онлайн сургалтад сургуулийн өмнөх боловсрол, Ерөнхий боловсролын сургуулийн 3.785 багш хамрагдаж мэдлэг боловсролоо дээшлүүллээ.

 

Багш нар сургалтын хөтөлбөрийг танхимын бус сургалттай уялдуулан боловсруулах арга зүйд суралцсанаас гадна цахим сургалтын платформыг хөгжүүлж, цахим хичээл боловсруулах арга зүйг эзэмшиж, сургуулийн орчин дахь хүүхдийн хөгжил, хамгааллын чиглэлээр  тодорхой ойлголтоо нэмэгдүүлсэн зэрэг давуу талтай, үр өгөөжтэй сургалт болсныг онцлов.

 

Цаашид хөтөлбөрийн хүрээнд  БМДИ-ийн арга зүйч нартай хамтран удирдах ажилтнуудаа чадавхжуулах, түшиц 3 дугаар сургууль, 5 дугаар цэцэрлэгийн багш нарт тусгайлан сургалт хийх, багш нарын хэрэгцээнд суурилсан захиалгат  сургалтыг тус тус зохион байгуулахаар төлөвлөөд байна.