Тээврийн хэрэгслийг түр саатуулах хашаа /байр/

ажиллуулах, төлбөрийн хэмжээ тогтоох тухай

 

 

 

Монгол улсын засаг захиргаа, нутаг дэвсгэрийн нэгж, түүний удирдлагын тухай хуулийн 20 дугаар зүйлийн 20.1.14, Замын хөдөлгөөний аюулгүй байдлын тухай хуулийн 9 дүгээр зүйлийн 9.2.4 дэх заалтыг үндэслэн аймгийн Иргэдийн Төлөөлөгчдийн Хурлын  Тэргүүлэгчдээс ТОГТООХ нь:

1. Аймгийн төвд болон сумдад  “Тээврийн хэрэгслийг түр саатуулах байр”

/хашааг/-г ажилуулахыг зөвшөөрсүгэй.

2. Түр саатуулах хашаа /байр/-ны нэг хоногийн төлбөрийг мотоцикл 1500

төгрөг, суудлын автомашин болон 3.5 тонн хүртэлх жинтэй бүх ачааны авто машин 3000 төгрөг3.5 тонноос дээш жинтэй бүх автомашиныг5000 төгрөг байхаар тогтоосугай.

3. Зам тээврийн осолд холбогдсон болон эрүүгийн хэргийн улмаас түр

 саатуулагдсан тээврийн хэрэгслээс дээд тал нь 7 хоногийн түр саатуулах хашаа /байр/-ны төлбөр авахаар  тогтоосугай.

4. Тээврийн хэрэгсэл түр саатуулах хашаа /байр/ ажиллуулахад тавигдах

 шаардлагыг холбогдох хуулийн хүрээнд хэрэгжүүлж ажиллахыг аймгийн Засаг дарга /Д.Батсайхан/,  Цагдаагийн газрын дарга, цагдаагийн хурандаа /С.Цэрэнсамбуу/ нарт даалгасугай.

5. Тогтоолын хэрэгжилтэд хяналт тавьж ажиллахыг аймгийн Иргэдийн

Төлөөлөгчдийн Хурлын Орон нутгийн бодлого зохицуулалтыг хангах хэлтсийн дарга /Д.Үнэнхүү/-д үүрэг болгосугай.