Монгол Улсын Засгийн газрын 2010 оны 11 дүгээр тогтоолоор батлагдсан “Яам болон аймаг, нийслэлийн Засаг дарга, Засаг даргын Тамгын газрын үйл ажиллагаанд хяналт шинжилгээ хийх, үр дүнг үнэлэх журам”-ын дагуу манай аймаг 2012 оны үйл ажиллагааны үнэлгээгээр улсын тэргүүний 5 аймгийн нэгээр шалгарч, аймгийн Засаг даргын Тамгын газар 10 сая төгрөгөөр, аймгийн Засаг даргын Тамгын газрын дарга нэг сарын үндсэн цалинтай тэнцэх мөнгөн шагналаар шагнагдлаа.

Энэ хүрээнд 10-р сарын 8-9-ний өдрүүдэд Засгийн газрын Хэрэг эрхлэх газрын ахлах референт З.Батбаяр, М.Сандаг-Очир нар болон Монголын Үндэсний Олон Нийтийн Радио, Телевизийн багийнхан манай аймагт ажиллаж шинээр санаачлан нэвтрүүлж байгаа ажил үйлчилгээ, бүтээн байгуулалт, хөрөнгө оруулалтын ажлуудтай танилцаж,  сурвалжиллаа.