Аймгийн Засаг даргын Тамгын газраас санаачлан хэрэгжүүлж буй 2015 оны  өвөлжилтийн бэлэн байдлыг хангуулах ажлын хэсгүүд хувиарын дагуу сумдад ажиллаж дуусав. Тэд малчид тариаланчид, иргэдтэй уулзалт зохион байгуулж,  санал хүсэлтийг нь сонсоод иржээ.

Өнгөрсөн долоо хоногт Засаг дарга Ж.Жамъянтивээр ахлуулсан ажлын хэсэг Отгон, Шилүүстэй сумдын Буянт, Баянбулаг, Бадрал, Сайхан, Хөгжил багуудад амжилттай ажиллаад ирлээ. Багийн бүрэлдэхүүнд Засаг даргын Тамгын газрын ТЗУХ-ын дарга Т.Пүрэврагчаа, ЗДТГ-ын мэргэжилтэнгүүд,  Эрүүл мэндийн газрын эмч нар, ХЖТ-ын дуучид багтсан байна.

   

Манай аймгийн  зарим нутагт өвөлжилт хүндрэх магадлалтай байгаа талаар ажлын хэсэг мэдээллээ. Тухайлбал Тэс , Түвэвтэй, Сонгино, Цэцэн уул сумдад бэлчээрийн гарц тааруу гантай байна.  

Иймд аймгийн ЗДТГ-ын зүгээс :

• Сумдын Засаг дарга нарын уулзалт, зөвлөгөөн
• Өвөлжилтийн бэлэн байдлыг хангуулах ажлын хэсгүүдийг байгуулж хуваарын дагуу сум багуудад ажиллуулах,
• Зөвлөмж , гарын авлага, тараах материал
• Сумдын аюулгүй нөөц, Аймгийн аюулгүй нөөц, Улсын аюулгүй нөөцийг бүрдүүлэх
• Гангийн зэрэг тогтоолгох
• Шаардлагатай цэгт нөөцөөс хувиарлах ,хүргэх
• Хөрш аймгуудын Засаг дарга нартай дээрхтэй холбоотой асуудлаар зөвшилцөх, аман хэлэлцээр хийх
• Байгаль орчны яамнаас тусгай хамгаалалттай газруудад мал оруулах зөвшөөрөл авах зэрэг олон талт ажлуудыг зохион байгуулан гүйцэтгэж , шаардлагатай арга хэмжээг авч байна. Гэхдээ өвөлжилтийн бэлтгэлийг сайн хангаж чадвал ирэх өвлийг өнөтэй давна гэдгийг хашир малчид хэлж байгаа юм.