Завхан аймгийн Засаг даргын дэргэдэх ХХТХ-ний зөвлөлийн зөвлөгөөнийг нээж аймгийн Засаг дарга Ж.Жамъянтив үг хэлж,  хил хамгаалалтад туслах хүчний зөвлөлийн гишүүдэд үнэмлэх гардууллаа. Зөвлөгөөнд Хилийн 0277 дугаар ангийн захирагч Г.Баярхүү, ЗДТГ-н дарга Д.Түвшинжаргал, Цэргийн штабын дарга Ц.Нацагдорж, ЦГ-ын дарга Б.Эрдэнэбаатар, Зэвсэгт хүчний 325 дугаар ангийн захирагч Ж.Одсүрэн , ЗДТГ-ын хэлтсийн дарга нар оролцлоо.

МУ-ын хилийн тухай хууль, МУ-н Ерөнхийлөгчийн 2000 оны 149 дүгээр зарлигаар батлагдсан “Иргэдийг хил хамгаалалтад оролцуулах журам”-ыг хэрэгжүүлж, ХХТХ*ний зөвлөлийн ажлыг эрчимжүүлэх зорилгоор тус хурлыг зохион байгууллаа.

    

2015 оны анхны ХХТХ-ний хурлаар :

1. Хил хамгаалалтын үр дүн, зөвлөлийн 2014 оны төлөвлөгөөний биелэлт, хилийн цагийн байдлын цаашдын өрнөлтийн талаар
2. Завхан аймгийн ХХТХЗ-ийн бүрэлдэхүүнийг шинэчлэн томилсон тухай захирамж батлах
3. Харилцан ажиллагаатай байгууллагатай 2015 онд харилцан ажиллах төлөвлөгөөг батлах
4. ХХТХ-ний зөвлөлийн 2015 онд хийгдэх ажлын төлөвлөгөөний төсөл танилцуулах, төлөвлөгөө батлах  зэрэг бусад асуудлуудыг хэлэлцэж шийдвэрлэлээ.