Аймгийн Засаг Даргын Тамгын Газар,  Биеийн тамир спортын газар, Монголын волейболын холбоо, Аймгийн волейболын холбооноос хамтран Баруун бүсийн Идэрчүүдийн аварга шалгаруулах гар бөмбөгийн  тэмцээнийг 3.28-30-ны өдрүүдэд амжилттай зохион байгууллаа.Энэхүү тэмцээнийг зохион байгуулахад аймгийн Засаг даргын нөөц сангаас 5 сая төгрөгийн дэмжлэг үзүүлж, баруун бүсийн волейболын 5 дугаар тэмцээнийг аймагтаа зохион явуулах боломж бүрдсэн юм. Тус тэмцээнд Баян-Өлгий, Ховд, Увс, Говь-Алтай, Завхан аймгийн баг тамирчид оролцож, хурд хүч, авъяас чадвараараа өрсөлдөж, гар бөмбөг сонирхогчид, үзэгчдийн талархалыг хүлээсэн сайхан тоглолтуудыг үзүүллээ. Ийнхүү дээрх тэмцээн өнөөдөр аваргуудаа шалгаруулж , дүнгээ гаргав.

       

Эрэгтэйчүүдийн төрөлд:  1 дүгээр байранд н.Түмэндэмбэрэл дасгалжуулагчтай Д.Эрдэнэбат ахлагчтай Ховд аймгийн БТСГ-ын баг тамирчид, 2 дугаар байранд  Б.Мандалсүрэн ахлагчтай Говь-Алтай аймгийн баг тамирчид,  3 дугаар байранд Г.Мөнхцэцэг дасгалжуулагчтай Завхан аймгийн баг тамирчид тус тус шалгарлаа. Харин эмэгтэйчүүдийн төрөлд: н.Уранчимэг дасгалжуулагчтай Говь –Алтай аймгийн Ж.Солонго ахлагчтай баг тамирчид , 2 дугаар байранд  н.Мөнхсүх дасгалжуулагчтай Завхан аймгийн баг тамирчид, 3-рт Т.Түмэндэмбэрэл дасгалжуулагчтай Ховд аймгийн баг тамирчид тус тус  шалгарсан амжилтыг үзүүллээ.