Өнгөрөгч долоо хоногт Завхан аймаг баруун бүсийн аймгуудын хүүхдийн өвчлөл, эндэгдлийн нөхцөл байдлын үнэлгээ, цогц сургалтыг амжилттай зохион байгуулж,  эрүүл мэнд, спортын  дэд сайд Д. Атармаа болон бусад аймгуудын эрүүл мэндийн газрынхнаас сайн үнэлгээ авлаа. Мөн аймгийн Засаг дарга Ж.Жамъянтив эрүүл мэнд, спортын дэд сайдыг хүлээн авч уулзав. Уулзалтын үеэр аймаг орон нутгаас эрүүл  мэндийн салбарт хийж буй ажил, хөрөнгө оруулалт, бодлого шийдвэр, хэрэгжиж буй төслүүдийн талаар танилцуулж, салбарын зарим асуудлаар ярилцсан юм.  Харин дэд сайд Д.Атармаа дараах асуудлуудыг:

1. Хоёр сувилагчийг Эх Хүүхдийн Эрүүл Мэндийн Үндэсний Төвд нярайн сувилагчаар мэргэшүүлэх сургалтад хамруулах
2. Эх барих, эмэгтэйчүүдийн 1 эмчийг ОХУ-д мэргэшүүлэх сургалтад хамруулах
3. Нарийн мэргэжлийн 1 эмчийг Азийн аль нэг оронд богино хугацааны сургалтад хамруулах
4. Аймгийн Эрүүл мэндийн газарт 5 сая төгрөгийн дэмжлэг үзүүлэх
5.  Отгон сумын 1 эмчийг гадаад богино хугацааны сургалтад хамруулах тухай шийдвэрүүдийг тус тус гаргалаа.