Дэлхийн банкны захиалгаар “Нийгмийн эгэх хариуцлага” сэдэвт тэтгэлэгт богино хугацааны сургалтыг 2017 оны 11 дүгээр сард Удирдлагын академи дээр зохион байгуулах гэж байна. Уг сургалтын тэтгэлэгт сургалтын төлбөр, нийтийн тээвэр /автобус, галт тэрэг/-ны зардал, өдрийн хоол багтсан болно.

 

Сургалтын үндсэн зорилго нь: Монгол улсад нийгмийн эгэх хариуцлагыг бэхжүүлэхэд орон нутаг дахь төрийн байгууллага, төрийн бус байгууллага, иргэдийн гүйцэтгэх үүргийг нэмэгдүүлэх, тэдний хамтын ажиллагааг хөгжүүлэхэд оршино.

 

Сургалт зохион байгуулах хугацаа: Эхний ээлжийн сургалтыг 2017 оны 11 дүгээр сарын 10-аас 12-ны өдрүүдэд зохион байгуулах бөгөөд сургалтанд  Улаанбаатар хот болон Завхан, Говьсүмбэр, Сүхбаатар, Хэнтий, Говь-Алтай, Өвөрхангай, Сэлэнгэ, Архангай аймгуудаас нийт 25 хүнийг сонгон шалгаруулалтаар оролцуулна.

 

Сургалтад хамрагдагчдад тавигдах шаардлага:

 

Үндсэн шаардлага:

 

• Монгол улсад нийгмийн эгэх хариуцлагыг бэхжүүлэх төсөл /МАSAM/-ийн хүрээнд зохион байгуулагдсан сургалтад өмнө нь хамрагдаж байгаагүй байх
• Монгол улсад нийгмийн эгэх хариуцлагын санаачилгыг дэмжиж ажиллах сонирхолтой байх
• Сургалтаар эзэмшсэн мэдлэг чадвараа орон нутагтаа хэрэгжүүлэх, бодитой үйл ажиллагаа болгон өрнүүлэх зорилго, тэмүүлэлтэй байх

Нэмэлт шаардлага:

• Аймгийн ЗДТГ-ын Хөгжлийн бодлого төлөвлөлт болон Нийгмийн бодлогын хэлтэст ажилладаг байх
• Улаанбаатар хот болон орон нутаг дахь төрийн бус байгууллагад ажилладаг байх
• Орон нутаг дахь их, дээд сургууль, коллежийн багш, удирдах ажилтан байх

Бүрдүүлэх материал:

• Сургалтанд хамрагдахыг хүссэн өргөдөл /өгөгдсөн зааврын дагуу/
• Цаашдын төлөвлөгөө /сургалтаар эзэмшсэн мэдлэг чадвараа практикт хэрхэн ашиглах тухай/

Сургалт зохион байгуулах газар: Улаанбаатар хот, Хан-Уул дүүрэг, Удирдлагын академи, Мэргэжил дээшлүүлэх Институтын байр, 205 тоот өрөө

 

Сургалтад хамрагдахыг хүссэн хүмүүс 2017 оны 11 дүгээр сарын 03-ны дотор холбогдох материалуудыг доорх цахим шуудангаар ирүүлнэ үү.

 

И-мэйл:Mungunchimeg@naog.gov.mn

Холбоо барих утас: 70132091, 99022234