2019 оны 4 дүгээр сарын 12-ны өдөр Завхан аймаг дахь ТТАЗСЗ-ийн 2019 оны төлөвлөгөөний дагуу гишүүн байгууллагын холбогч ажилтны хуралдааныг Нутгийн удирдлагын ордны Иргэний танхимд зохион байгуулав. Энэ удаагийн хурлаар онцгой объектууд, Терроризмын нөхцөл байдлын үеийн бэлэн байдлын төлөвлөгөөний төсөл зэрэг баримт бичгүүдийг хэлэлцэж, салбар зөвлөлийн даргад танилцуулахаар тогтов. Хуралдаанд ТЕГ-ын Завхан аймаг дахь хэлтэс, Завхан аймаг дахь “Алтан гадас одонт” Цагдаагийн газар, Завхан аймгийн Онцгой байдлын газар, Шүүхийн шийдвэр гүйцэтгэх газар, ЗДТГ-ын Цэргийн штаб, Эрүүл мэндийн газар, Мэргэжлийн хяналтын газар, Улсын бүртгэлийн хэлтэс, Татварын хэлтэс, Байгаль орчин, аялал жуулчлалын газар, Гадаадын иргэн, харьяатын Баруун бүс дэх газрын Завхан аймаг дахь төлөөлөл зэрэг Салбар зөвлөлийн гишүүн байгууллагуудын төлөөлөл оролцов.