Монгол Улсын Засгийн газрын 2020 оны 216, 217, 218 дугаар тогтоолуудаар байгууллагын болон төрийн жинхэнэ албан хаагчийн гүйцэтгэлийн төлөвлөгөө боловсруулах, тайлагнах, үнэлэх журам, аргачлал батлагдсан билээ. Энэхүү журмын хэрэгжилтийг хангах хүрээнд Завхан аймгийн Засаг даргын Тамгын газраас сум, албан байгууллагын удирдлагууд, холбогдох албан тушаалтнуудад сургалт зохион байгуулж байна.

 

Өнөөдрөөс /2021-01-12/ эхэлж гурав хоног үргэлжлэх энэхүү сургалтад аймгийн Засаг даргын Тамгын газрын хэлтсийн дарга, мэргэжилтнүүд, аймгийн ИТХ-ын ажлын албаны мэргэжилтнүүд, сумын Засаг даргын Тамгын газар, төсвийн байгууллагын дарга нар, Засаг даргын дэргэдэх хэлтэс агентлагийн дарга, хүний нөөц, хяналт-шинжилгээ, үнэлгээ хариуцсан мэргэжилтнүүд тус тус хамрагдах юм.