Коронавируст халдвар /COVID-19/-ын цар тахал дэлхий даяар тархсан энэ хүнд үед Завхан аймгийнхаа иргэдийг гамшгаас урьдчилан сэргийлэх, аюулгүй байдлыг хангах үйлсэд хичээл зүтгэл гарган ажиллаж байгаа мэргэжлийн байгууллагуудын үйл ажиллагаа, төр засгийнхаа шийдвэрийг бүх талаар дэмжиж, сэтгэлийн хандив илгээсэн байгууллагуудад аймгийн Засаг дарга бөгөөд Онцгой комиссын дарга Д.Түвшинжаргал нийт ард иргэдийнхээ өмнөөс чин сэтгэлийн талархал илэрхийлж талархал гардууллаа.

Аймгийн Онцгой комисст Баян-Айраг ХХК 14.8 сая төгрөг, Хаан банк 1 сая төгрөг, Төрийн банк 1.1 сая төгрөг, “Алтай-Улиастай эрчим хүчний систем” ТӨХК 2.4 сая төгрөг, “Уулс дөл” ХХК 1 сая төгрөг, “Туна далай” ХХК 3 сая төгрөг, Доной нисэх буудал 1 сая төгрөг, Шүүхийн тамгын газар 1 сая 480 мянган төгрөг, Ахмадын хороо 2.6 сая төгрөг, нийт 28 сая 384 мянган төгрөг хандивлажээ.