НҮБ-ын Хөгжлийн Хөтөлбөрийн “Тогтвортой хөгжлийн 2030 хөтөлбөрийн хэрэгжилтэд дэмжлэг үзүүлэх” төсөл болон Завхан аймгийн ЗДТГ-ын хамтын ажиллагааны хүрээнд “Завхан аймгийн хөгжлийн төлөвлөлт, хэрэгжилт, тайлагнах арга зүйг сайжруулах” сургалт, хэлэлцүүлгийг 2021 оны 5 дугаар сарын 24-25-ны өдрүүдэд цахимаар зохион байгуулав. Завхан аймгийн ЗДТГ-ын 6 хэлтэс, түүний харьяа 31 байгууллагын төлөвлөлт, хяналт-хяналт, үнэлгээ, сургалт хариуцсан 70 гаруй мэргэжилтэн, албан хаагчдад тус аймгийн бодлого төлөвлөлт хариуцсан удирдлагууд, зөвлөх багш нар орон нутгийн хөгжлийн бодлого төлөвлөлтөд гарч буй нийтлэг асуудлууд, ТХЗ-ын шалгуур үзүүлэлтийн ач холбогдол, төлөвлөлтийг сайжруулах арга замуудыг талаар мэдээлэл танилцуулга хийв. Сургалтын үр дүнд оролцогчид хөгжлийн төлөвлөлт болон хэрэгжилттэй холбоотой бодит жишээн дээр санал солилцож, цаашид хамтран ажиллах үйл ажиллагаануудыг тодорхойллоо.