Монгол Улсад ил тод байдал, олон нийтийн оролцоог нэмэгдүүлэхэд нийгмийн эгэх хариуцлагыг бэхжүүлэх нь төслийн хоёрдугаар үе шат нь Швейцарын Хөгжлийн Агентлаг  болон Нийгмийн  Хариуцлагын Дэлхийн Түншлэлийн санхүүжилтээр Дэлхийн банк - аас улс орон даяар хэрэгжүүлж эхэллээ.

 

Хэрэгжүүлэлтийн түвшинд  Дэлхийн Зөн Монгол ОУБ-аас уг төслийг Завхан аймагт  хэрэгжүүлэх гэж байна.

 

Төслийн албан ёсны нээлтийн уулзалт цахим хэлбэрээр Завхан аймагт зохион байгуулагдлаа.

 

Уулзалтанд аймгийн Засаг дарга Д.Түвшинжаргал, Нийгмийн бодлогын хэлтсийн дарга А.Шаравжамц, Нийгмийн бодлогын эрүүл мэнд, биеийн тамир, спортын бодлого хариуцсан ахлах мэргэжилтэн С.Сарантуяа, Санхүү төрийн сангийн хэлтсийн ерөнхий санхүүч Б.Энхтүвшин, Эрүүл мэндийн газрын дарга Ч.Дэмчигсүрэн, Эрүүл мэндийн газрын анхан шатны тусламж үйлчилгээ хариуцсан мэргэжилтэн Ө.Уранчимэг, Нийгмийн эрүүл мэндийн төвийн халдварт өвчний асуудал хариуцсан мэргэжилтэн Э.Ундармаа, Эрүүл мэндийн даатгалын хэлтсийн чанар, төлбөрийн хяналтын мэргэжилтэн Д.Ганчимэг, ”Ахмад Мэргэжилтний холбоо” ТББ-ийн тэргүүн З.Цэрэндулам, “Өрнөх Хөгжил” ТББ-ын тэргүүн М.Дуламжав, Дэлхийн Зөн Монгол ОУБ-ын төслийн баг, Завханхангай ОНХ-ийн ажилтнууд цахимаар оролцлоо.

 

Төсөл нь Монгол улсын хэмжээнд нийгмийн эгэх хариуцлагыг бэхжүүлэх замаар эрүүл мэндийн салбарт төрийн хөрөнгө санхүүг зохистой зарцуулж төрийн үйлчилгээ, төрийн хөрөнгө оруулалтын үр дүнг нэмэгдүүлэхэд оршино.

 

Төслийн энэхүү шатанд иргэний нийгмийн болон төрийн байгууллагын мэдээлэл ашиглах, бодлого боловсруулалт, хэрэгжилтэд хяналт тавих чадавхыг нэмэгдүүлэн ажиллах юм.