Өнөөдөр /2021-10-21/ Түдэвтэй сумын Засаг даргын Тамгын газрын шинэ байрны нээлтийн үйл ажиллагаа болж аймаг, сумын удирдлагууд, ард иргэд оролцлоо.

 

Тус сумын Засаг даргын Тамгын газар олон жил стандартын шаардлага хангахгүй хуучны байранд үйл ажиллагаагаа явуулж байсан бол ийнхүү улсын төсвийн 1.2 тэрбум төгрөгийн хөрөнгө оруулалтаар хоёр давхар шинэ байртай боллоо.

Ингэснээр төрийн албан хаагчдын ажиллах орчин нөхцөл сайжирч, хөдөөгийн иргэд төрийн үйлчилгээг тав тухтай орчинд авах боломжийг бүрдүүллээ.

Энэхүү бүтээн байгуулалтыг “Саран инж девелопмент” ХХК 2020 оны долдугаар сард эхлүүлж,  1.4 жилийн хугацаанд хийж  гүйцэтгэлээ.