Аймгийн Засаг даргын 2022 оны 02 дугаар сарын 14-ны өдрийн А/68 дугаар захирамжаар 2022 оныг “Төрийн албан хаагчийн ёс зүй, сахилга хариуцлагыг дээшлүүлэх жил” болгон зарласантай холбогдуулан тус жилийн нээлтийн үйл ажиллагаа, зүүн бүсийн төрийн албан хаагчдыг чадавхжуулах сургалт, зөвлөгөөнийг Их-Уул суманд зохион байгуулж байна.

Бүсийн төрийн албан хаагчдыг чадавхжуулах сургалт, зөвлөгөөний зорилго нь төрийн албан хаагчдын хууль, эрх зүйн болон ёс зүйн талаарх мэдлэгийг дээшлүүлэх, ёс зүйтэй, хариуцлагатай, манлайлагч төрийн албан хаагчийг бий болгох, харилцан туршлага солилцох, хамтын ажиллагааг өргөжүүлэн хөгжүүлэх, нөхөрсөг харилцааг тогтооход оршино.

 

Зөвлөгөөнд Идэр, Их-Уул, Тэлмэн, Тосонцэнгэл сумдын Засаг дарга, төрийн байгууллагын дарга, эрхлэгч, захирал, төрийн захиргааны албан хаагчид зэрэг 73 албан хаагчид оролцож байгаа бөгөөд тус зөвлөгөөн 2 өдрийн турш болох юм.

Одоогоор зөвлөгөөний чадавхжуулах үйл ажиллагаа явагдаж байгаа бөгөөд шинээр хэрэгжүүлсэн ажил, шинэлэг санаачилгын талаар сумууд харилцан туршлага солилцох, хууль, эрх зүйн мэдлэгээ үнэлүүлэх, тулгамдаж буй асуудал, шийдлийн талаар хэлэлцүүлэг зохион байгуулах, нөхөрсөг гар бөмбөгийн тэмцээн, соёлын урлагийн арга хэмжээнд оролцох зэрэг хөтөлбөрт тусгагдсан ажлууд цаашид хийгдэнэ.