Завхан аймгийн Засаг даргын Тамгын газар, Төрийн албаны зөвлөлийн Завхан аймаг дахь салбар зөвлөлөөс 2023 оны 6 дугаар сарын 30-ны Төрийн албаны тухай хууль, Монгол Улсын Ерөнхийлөгчийн зарлигаар батлагдсан журмын дагуу төрийн жинхэнэ албан хаагчийн тангараг өргөх ёслолын ажиллагааг зохион байгуулж, төрийн албаны тусгай шалгалт өгч, төрийн захиргааны албанд шинээр томилогдсон 15 байгууллагын 37 төрийн албан хаагч эх орон, ард түмнийхээ төлөө эрдэм чадлаа зориулан үнэнч шударгаар ажиллахаа тангараглалаа.

Энэ удаагийн тангараг өргөх ёслолын ажилллагаа Завхан аймгийн түүхт 100 жилийн ойн баяр наадмын өмнөхөн зохион байгуулагдсанаараа онцлогтой байлаа

Тус ёслолын ажиллагаанд аймгийн Засаг даргын Тамгын газрын дарга Г.Мягмарсүрэн, аймгийн иргэдийн Төлөөлөгчдийн Хурлын нарийн бичгийн дарга С.Болдбаатар, Төрийн албаны зөвлөлийн Завхан аймаг дахь салбар зөвлөлийн бүрэлдэхүүн, холбогдох байгууллагын дарга, удирдлагууд оролцов.