Улиастай сумыг тойруулан иргэдийн дур мэдэн үүсгээд удсан найман том хогийн цэг газрын хөрс, ард иргэдийн эрүүл мэнд, хотын өнгө үзэмжинд сөргөөр нөлөөлсөөр удаж байгаа билээ. Түүхт ойгоо зорин тал бүрээс ирэх зочдод ч энэхүү дүр зураг  таагүй харагдах нь ойлгомжтой.  Аймгийн Засаг дарга Г.Өнөрбаяр Улиастай сумын Засаг даргын Тамгын газар , Хот тохижилт үйлчилгээний албанд үүрэг өгч, эдгээр хогийн цэгүүдийг цэвэрлүүллээ. 
Түүнчлэн Товцог багийн шар хөтлийн амны  2 хэсэг газар,  Өлзийт багийн нүүрстийн ам, Ганцын давааны постны  хажуу уулын ам,  Жаргалант багийн худгийн ам болон хуучин хогийн ам,  Жинст багийн хоорондын ам зэрэг нийт 26,4 га талбайд үүсээд байсан 650 метр куб хогийг нэгдсэн хогийн цэгт хүргэж устгал хийсэн байна. Хог дахин хаяж болзошгүй газруудыг бүрэн камержуулжээ.
Иргэд өөрсдөө ухамсар, соёлтой байж  гуу жалга, суваг шуудуу бараадуулан хог хаядагаа болихыг сануулъя.