Монгол Улсын Засгийн газраас зарласан “Монголд зочлох жил”- ийн хүрээнд МИАТ ТӨХК орон нутгийн 8 чиглэлд нислэг үйлдэж эхлээд байгаа билээ. Улаанбаатар – Улиастай-Улаанбаатар чиглэлийн анхны нислэгийг 18 жилийн дараа буюу 2023 оны 7-р сарын 6-ны өдөр Алдархаан сумын Отгонтэнгэр нисэх буудалд амжилттай үйлдлээ. Уг нислэгийг үйлдэж эхэлсэнээр алслагдсан бүс нутгийн ард иргэд 40-70 хувийн буюу 2-2,5 дахин хямдралтай үнээр ая тухтай зорчих боломж бүрдэж байгаагаас гадна дотоод, гадаадын жуулчдын урсгалыг нэмэгдүүлэхэд чухал ач холбогдолтой юм. МИАТ ТӨХК-ийн зүгээс Наадмын өдрүүдэд буюу 7-р сарын 16-ныг дуустал Улаанбаатар-Улиастай--Улаанбаатар чиглэлд нэг талдаа 234410 төгрөг, 2 талдаа 463870 төгрөгийн зорчих боломжийг олгож, тийзээ хямдруулаад байгаа юм байна.