Монгол Улсын Хөдөлмөрийн баатар Лувсанбалдангийн Лхаасүрэн 1941 онд Завхан аймгийн Алдархаан суманд төрсөн, зоотехникч мэргэжилтэй. 1965 оноос Алдархаан сумын Үржлийн станцад үржлийн зоотехникчээр ажлын гараагаа эхэлжээ. Улмаар ХАА-н үйлдвэрлэл туршлагын станц, Эрдэнэхайрхан сумын нэгдэл, аймгийн ХААХҮ-ийг удирдах газар, Хоршоологчдын холбоо, Мал аж ахуй, үржлийн алба, Цөм сүргийн үржлийн төв зэрэг газруудад ажиллаж байв.

Тэрээр аймгийн 50,60,70,80,90,100 жилийн ойн медалиуд, Хөдөлмөрийн хүндэт медаль, Алтан гадас одон, Хөдөлмөрийн гавьяаны улаан тугийн одон, МУ-ын Гавьяат зоотехникч зэрэг шагналуудаар шагнагджээ.

Түүний хөдөө аж ахуйн салбарт оруулсан хувь нэмрийг үнэлж, Монгол Улсын Хөдөлмөрийн баатар цолоор Завхан аймгийн 100 жилийн ойн баярын үеэр шагнасан юм. 2023-10-27 00:00:00