Хөдөлмөр, нийгмийн хамгааллын яамны дэд сайд П.Зулпхар нь Хөдөлмөр эрхлэлтийн үндэсний зөвлөлийн гишүүд, нийгмийн түншлэлийн холбогдох төлөөллийн бүрэлдэхүүнтэйгээр 2023 оны 10 дугаар сарын 31-ний өдөр орон нутагт ажиллалаа.

Ажлын хэсэг хөдөлмөр эрхлэлтийг дэмжих үйл ажиллагааны хэрэгжилтийн явцтай танилцаж, төсөл хөтөлбөрт хамрагдсан аж ахуйн нэгж байгууллага, иргэдийн төлөөлөл болон аймгийн хөдөлмөр эрхлэлтийн зөвлөлийн гишүүдтэй уулзаж, хөтөлбөрийн төслийг хэрэгжүүлэхэд тулгамдаж буй асуудал, цаашид шийдвэрлэх арга замын талаар харилцан санал солилцлоо.

Ажлын хэсгийн гол зорилго нь хөдөлмөр эрхлэлтийг дэмжих хөтөлбөр төслийг 2024 оноос эхлэн орон нутгийн онцлогтойгоор боловсруулан хэрэгжүүлэхэд чиглэж байна.

Хөдөлмөр эрхлэлтийг дэмжих хөтөлбөр, төслийг 2012 оноос хойш хэрэгжүүлж, оюутан, залуучууд, хөгжлийн бэрхшээлтэй иргэн, ажилгүй иргэн, ахмад настан, малчин, эмэгтэйчүүд, хувиараа хөдөлмөр эрхлэгч, ажил олгогч нарын онцлогт тохирсон ажлын байрыг дэмжин ажиллаж байна.

Манай аймаг жилд дунджаар 1.3-1.5 тэрбум төгрөгийг хөдөлмөр эрхлэлтийг дэмжих хөтөлбөр төслийн хүрээнд зарцуулж, 1200-1300 шинэ ажлын байрыг бий болгодог.