Аймгийн Засаг дарга Г.Өнөрбаяр 2023 оны 9 дүгээр сард “Улиастай зах”-д ажиллаж, худалдаа эрхлэгчид, үйлчлүүлэгчидтэй уулзсан. Тэдний тулгамдаад байгаа хэд хэдэн асуудлыг сонсож, шат дараатай шийдвэрлэнэ гэдгээ хэлсэн юм.

Тэрээр эхний ээлжид зах орчмын шороон хэсгүүдийг асфальтлах ажлыг хүйтрэхээс өмнө хийлгэнэ гэдгээ мэдэгдсэн.

Шороон хэсгүүд тоосжилт ихтэй учир иргэд сүү, цагаан идээ, мах зэрэг хүнсний бүтээгдэхүүнээ зарж борлуулахад хүндрэлтэй, ариун цэврийн шаардлага хангахгүй болох, овон товон ихтэй учир бороо орсон үед усаар дүүрэх, машинтай болон явганаар зорчиход бэрхшээлтэй зэрэг хүндрэлтэй асуудлууд их байсан юм.

Иймээс “Улиастай зах”-ын шовгоруудын зүүн хэсэг, “Чандмань” авто жолооны сургуулийн завсрын хэсэг, “Цахир” дэлгүүр болон “Авто сэлбэг”-ийн дэлгүүрийн завсрын хэсгүүдэд буюу 3 хэсэг газарт шороон хэсгийг асфальтлах ажлыг хийж гүйцэтгэв.

Энэ хэсгүүдэд борооны ус тогтохоос сэргийлж, ус зайлуулах 3 худаг “Амь-Ус” ХХК- с хийж гүйцэтгэсэн.