Засаг дарга Г.Өнөрбаяр 2024 оны орон нутгийн хөгжлийн сан, улсын төсвийн дэмжлэгээр аймаг орон нутагтаа ямар бүтээн байгуулалт, тохижилтын ажлууд хийх талаар иргэдийнхээ саналыг авч, хөгжлийн төлөвлөгөөндөө тусгахаар ажиллаж байна. Тиймээс Улиастай хотын иргэдийн саналыг сонсох уулзалтаа Товцог багаас эхэллээ.

Тус багийн иргэд стандартад нийцсэн дугуйн замууд, хүүхэд хөгжүүлэх төв, халуун усны газар барих, гэрэлтүүлэг, камержилт нэмэгдүүлэх, автобус тогтмол явуулдаг болох, хүнсний ногоогоор аймаг хэрэгцээгээ хангадах болох, эрчим хүчний доголдлыг бууруулах, ахмадуудаа дэмжих бодлого хөтөлбөр боловсруулах зэрэг хүсэлтүүд гаргав.

Засаг дарга Г.Өнөрбаяр, Улиастай хотын захирагч Ч.Наранбат, Товцог багаас сонгогдсон аймгийн ИТХ-ын төлөөлөгч П.Даваадэмбэрэл нар иргэдийн асуултуудад тодорхой хариулт өгч, Товцог багт хийгдэх бүтээн байгуулалт, тохижилтын ажлын төлөвлөгөөндөө саналуудыг тусгана гэдгээ илэрхийлэв.