Засаг дарга Г.Өнөрбаяр хойд чиглэлийн сумдад ажиллаж байна. Баянхайрхан сумын иргэдтэй аймгийн ИТХ-ын төлөөлөгч П.Батсайхан, Б.Батсайхан нарын хамт уулзалт хийв. Тэрээр Засаг даргын ажлаа авсанаас хойших хугацаанд хийж хэрэгжүүлсэн ажлаа тайлагнаж, хийхээр төлөвлөсөн ажлуудаа танилцуулав. Мөн 2024 оны төсөв, орон нутгийн хөгжлийн сангийн хөрөнгөөр Баянхайрхан суманд ямар ажлууд хийвэл үр дүнтэй талаар иргэдтэй ярилцаж, тэдний саналыг сонслоо.

Сумын иргэд Төөнөтийн давааг засах, “Бизнес инкубатор” төвийн тохижилт, түргэн тусламжийн машин авах, соёлын төвийн барилгын их засварыг эхлүүлэх, баяр наадмын талбай шинээр барих, малын бой хийх газар байгуулах зэрэг асуудлуудыг шийдвэрлэж өгөхийг хүслээ.

2024 онд Баянхайрхан сум 100 жилийн ойгоо хийнэ. Тийм ч учраас аймаг орон нутгаас дэмжлэг үзүүлж, сумын бүтээн байгуулалт тохижилтын ажилд анхаарна гэдгээ Засаг дарга Г.Өнөрбаяр хэлэв.