Засаг дарга Г.Өнөрбаяр Асгат сумын иргэдтэй уулзалт хийж, өнгөрсөн хугацаанд хийсэн ажлуудаа тайлагнаж, 2024 онд орон нутгийн төсвийн хөрөнгөөр хийгдэх ажлуудын талаар иргэдийн саналын сонслоо.

Асгат сумын соёлын төвийн тоног төхөөрөмжийг шинэчлэх, төрийн байгууллагуудын интернэтийн асуудлыг шийдвэрлэх, халуун ус барих, сургуулийн кабинетуудын тохижилтыг хийх, эрүүл мэндийн төвийн тоног төхөөрөмжийг сайжруулах зэрэг хүсэлтүүдийг гаргав.

Аймгийн Засаг дарга Г.Өнөрбаяр эдгээр асуудлуудыг эрэмбэлж, шат дараатай шийдвэрлэх талаар байр сууриа илэрхийлэв.

Сургуулийн 75 хүүхдийн дотуур байрны барилга 2019 оноос баригдаж эхэлсэн ч 2021 оноос барилгын ажил царцсан. Үүний шалтгаан нөхцөлтэй танилцаж, дээд шатны байгууллагад албан бичиг хүргүүлж, барилгын ажлын гацааг арилгах тал дээр анхаарна гэдгээ хэлэв.

Мөн Асгат сумын хэсгийн цагдаагийн кабоноор орж, хэсгийн төлөөлөгч, цагдаагийн гэр болон ажлын байртай танилцлаа.

Асгат сум 2024 онд 40 жилийн ойгоо тэмдэглэн өнгөрүүлнэ.