Засаг дарга Г.Өнөрбаяр Баянтэс сумын ард иргэдтэй уулзалт хийж, олон нийтийн санал хүсэлтийг сонслоо.

Баянтэс сум 2024 онд 100 жилийн ойн баяраа тэмдэглэн өнгөрүүлнэ. Ой угтаж суманд ямар бүтээн байгуулалт, тохижилт хийх, аймаг орон нутгаас ямар дэмжлэг үзүүлэх талаар сумын иргэд асууж тодруулав.

Аймгийн хойд чиглэлийн сумд цаашлаад Завхан аймаг Арц суурийн хилийн боомтоо түшиглэн хөгжих боломжтой. Хилээр хямд хүнс, малын тэжээл, шатахуун оруулж ирэх боломж гарц гаргалгааг нээж өгөхийг Засаг даргаас хүслээ.

Баянтэс сум байгалийн давагдашгүй хүчинд их өртдөг, өвөлжилт хүндэрдэг учир малын хямд тэжээл нэн тэргүүний чухал асуудал болдог.

Мөн аймгийн Засаг дарга Г.Өнөрбаярын боловсролын системд хийх шинэчлэл болон бусад бодлого шийдвэрийг дэмжиж байгаагаа илэрхийллээ.