“Арц суурь” хилийн боомтын үйл ажиллагаа 2012 оноос зогсонги байдалд орсон.

Тиймээс боомтын сэргэлтийг хийх гарц гаргалгааг олж ард иргэд, аймгийн хөгжилд оруулах боломжуудыг нээхийг Засаг дарга Г.Өнөрбаяр нэгэн зорилтоо болгон ажиллаж байгаагаа илэрхийлэв.

Боомтын үйл ажиллагаатай танилцах үеэрээ Засаг дарга Г.Өнөрбаяр боомтыг шинээр барих зураг төслийн талаар ярилцав. Мөн ажлын хэсэг хилийн цэргийн ангийн застав, гаалийн хорооны алба хаагчидтай уулзаж, ахуй амьдралтай нь танилцлаа.

Уулзалтын төгсгөлд боомтын камержуулалт, худгуудын засвар, халуун усны төвтэй болгох ажлуудыг эхний ээлжинд хийхээр болов.