Тэрээр аймгийн Засаг даргын ажлаа авснаас хойш хийсэн ажлуудаа иргэдэд тайлагналаа. Мөн Улиастай хотод 2024 онд хийхээр төлөвлөсөн томоохон ажлуудын төлөвлөгөөгөө танилцуулав.

Уулзалтад аймгийн ИТХ-ын төлөөлөгч А.Болормаа, Г.Бадамхатан аймгийн ЗДТГ-ын ТЗУХ-ийн дарга П.Мөнхзаяа, Улиастай сумын ИТХ-ын төлөөлөгч Г.Гончиг, Улиастай сумын орлогч дарга Ч.Батсүх нар оролцож иргэдийн асуултуудад хариулт өгөв.

Иргэд үнэ өртөг төлөн авч, хөдөлмөр гарган тарьсан мод бутыг мал идэж хөрөнгө мөнгө сүйдэж буйг, арлын хоёр 60 айлын хажуугийн грашуудыг цэгцэлж өгөх, 2 голын захаар хогийн савууд байршуулах, байгууллагын дарга нар байгууллагынхаа ойр орчмын газруудыг дур мэдэн худалдаж байгааг болиулах, газрын асуудал, ногооны талбайн эзэмшил, байруудын орц подволын тохижилт, услалтын систем, уурын зуухны халаалт, ахлах ангийн хөвгүүдийг биеийн тамираар чийрэгжүүлж, цэргийн алба хаахад эртнээс бэлтгэх хэрэгтэй байна гэхчлэн асуудлуудыг хөндөв.

Уулзалтын төгсгөлд Засаг дарга Г.Өнөрбаярт аймгийнхаа төсвийг хэлэлцүүлэхдээ иргэдийнхээ саналыг авч байгаад талархаж байгаагаа илэрхийлэв.