Аймгийн Засаг даргын орлогч Д.Уужимсанаа аймгийн өвөлжилт, гамшиг ослын нөхцөл байдал, шуурхай штабын үйл ажиллагаатай танилцаж, цаашид хэрэгжүүлэх ажлын чиглэлийг холбогдох албан тушаалтнуудад өглөө.

Зудын эрсдлийн үнэлгээгээр Баянтэс, Тэс, Отгон, Их-Уул, Тосонцэнгэл, Цагаанчулуут сумд зудын эрсдэл өндөр, 10 сум дунд, 8 сум бага эрсдэлтэй үнэлэгдсэн.

Отгон сумын Буянт, Баянбулаг багт цасан бүрхүүл хамгийн их буюу тэгш талдаа 20-30см, хунгарласан газартаа 30-37см, гуу жалгаар 40-70см тогтсон.

Аймаг дотроо 16,3 мянган толгой мал оторлож байгаа ба Багахайрханы отрын бүс нутагт 44 өрхийн 27,3 мянган толгой мал, хилийн зурвас газарт 81 өрхийн 43 мянган толгой мал отроор өвөлжиж байна.