Авто тээврийн салбарын 100 жилийн ойд зориулсан “Тээвэрчдийн нэгдсэн уулзалт” арга хэмжээ Л.Ванганы нэрэмжит ХЖТ-т боллоо.

Арга хэмжээг аймгийн Засаг даргын орлогч Д.Уужимсанаа нээв. Тэрээр авто тээврийн салбарын үүсэл хөгжил, түүхэн үйл явдал, ололт амжилт, хэрэгжүүлэхээр төлөвлөсөн ажил, арга хэмжээг танилцуулж, энэ салбараар овоглосон хүн бүхэнд баяр хүргэж, мэндчилгээ дэвшүүлэв.

Манай улсад анх 1925 оны 7 дугаар сарын 15-ны өдөр “Монгол Улсын тээх, нэвтрүүлэх газар” байгуулагдсан нь авто тээврийн салбар үүсэж хөгжих эхлэл болж байжээ.

Аймгийн Авто тээврийн газраас түүхэн ойн арга хэмжээний хүрээнд “Тээвэрчдийн нэгдсэн уулзалт”, “Тээвэрчид дуулж байна” урлаг соёлын арга хэмжээ зохион байгууллаа. Түүнчлэн аймгийнхаа авто тээврийн түүхээр ном бүтээхээр төлөвлөн ажиллаж байна.