Аймгийн Засаг дарга Г.Өнөрбаяр, ЗДТГ-ын Цэргийн штабын дарга, дэд хурандаа Б.Гэрэлт-Од нар энэ амралтын өдрүүдэд Завхан аймгаас Зэвсэгт хүчний ангиудад алба хааж буй хугацаат цэргийн алба хаагчдаа эргэж байна. Энэ удаад Баянхонгор аймаг дахь Барилга инженерийн тусгай батальон Зэвсэгт хүчний 339 дүгээр ангид алба хааж буй дайчидтай уулзаж, гэр бүлийнхний мэндчилгээг дамжуулж, гарын бэлэг гардууллаа.
Тус ангид Завхан аймгийн 11 сумын цэргүүд алба хааж байгаа ба Цэцэн-Уул сумаас хамгийн олон цэрэг алба хааж байна. Цэргүүд сургалтын цагаараа англи хэл, компьютерийн хичээлийг судлаж байгаагаас гадна ирэх 7 хоногоос монгол бичгийн хичээл үзэж эхлэх юм байна. Мөн Политехник коллеж, жолооны курсд сурч мэргэжил эзэмшиж байна.
Барилгын цэргийн анги учраас аймаг орон нутгийн, улсын чанартай бүтээн байгуулалтуудад цэргүүдээ оролцуулж байна. Удахгүй Шивээ хүрэн-Шинэ жинст чиглэлийн Улсын чанартай авто замд гүүр хоолой барих ажилд цэргүүд ажиллаж эхлэнэ гэдгийг ангийн удирдлагууд хэлж байна.
Мөн уулзалтад Баянхонгор аймгийн Засаг дарга Д.Мөнхсайхан оролцож, алба хаагчдад мэндчилгээ дэвшүүллээ.
2025-04-07 00:00:00
