“Хөдөлмөрийн аюулгүй байдал, эрүүл мэндийн хөгжил, хиймэл оюуны хэрэглээ ба цахимжилт” уриан дор хэрэгжиж буй уг аяныг аймгийн Засаг даргын орлогч, ХАБЭА-н зөвлөлийн дарга Д.Уужимсанаа нээлээ.
Нээлтийн арга хэмжээний үеэр Завхан аймагт хөдөлмөрийн аюулгүй байдлын хууль, дүрэм журам, стандартыг сайн хэрэгжүүлж буй АУЭХС ТӨХК-ийн Завхан салбар, “Баян-Айраг Эксплорэйшн” ХХК-д шагнал гардуулав.
Мөн энэ үеэр Аж ахуйн нэгж байгууллагын хөдөлмөрийн аюулгүй байдлын техник, хувцас хэрэгсэл, үзүүлэн материалын үзэсгэлэн боллоо.
Сарын аяны нээлтэд “Хөдөлмөрийн аюулгүй байдлыг хангахад хиймэл оюун ухааныг нэвтрүүлэх нь”, “Хиймэл оюун ухаан эрүүл мэндийн салбарт”, “Хиймэл оюун ухааны хэрэглээ ба цахимжилт” зэрэг сэдвүүдээр мэдээлэл хийв.
2025-04-03 00:00:00
