МАНАЙ ЭРХЭМ ЗОРИЛГО:

Дотоод аудитын олон улсын стандартад нийцсэн үйл ажиллагаа явуулж, төсөв захирагчдыг үүргээ хэрэгжүүлэхэд нь салбарын бодит мэдээллээр ханган, оновчтой шийдвэр гаргахад дэмжлэг үзүүлж, байгууллагын үнэ, цэнийг нэмэгдүүлэх, эрсдэлийн удирдлагаар хангахад оршино.

АЛСЫН ХАРАА:

Санхүүгийн хяналт, дотоод аудитын салбартаа тэргүүлэгч, мэргэшсэн, хараат бус хамт олон болох

 

ҮЙЛ АЖИЛЛАГААНЫ ЧИГЛЭЛ:

 Санхүүгийн хяналт шалгалт

1.     Төсөв, санхүүгийн холбогдолтой хууль тогтоомж, Засгийн газрын шийдвэр болон түүнийг үндэслэн төрийн захиргааны эрх бүхий байгууллагаас гаргасан дүрэм, журам, заавар, стандартын хэрэгжилт

2.     Тухайн байгууллагын орлогын төлөвлөлт, төвлөрүүлэлт, төсөвт байгууллагын хөрөнгийн ашиглалт, хадгалалт, хамгаалалт, төсвийг зүй зохистой, үр ашигтай зарцуулсан байдал

3.     Засгийн газрын тусгай зориулалтын сан, төсвөөс олгосон тусламж, дэмжлэг, эргэж төлөгдөх нөхцлөөр ашиглуулж байгаа төсвийн хөрөнгө, олон улсын байгууллага, гадаад орны Засгийн газар, байгууллага, иргэдээс олгосон зээл, өгсөн хандив, тусламж, тэдгээртэй адилтгах хөрөнгийн ашиглалт, зарцуулалт

4.     Төсвийн хөрөнгө оруулалтын санхүүжилт, зарцуулалт, түүний үр ашигтай байдал

5.     Анхан шатны баримт бүрдүүлэлт болон нягтлан бодох бүртгэлийн хөтлөлт, санхүүгийн тайланд тусгагдсан байдал

Дотоод аудитын чиглэлээр

1.     Байгууллагын дотоод хяналтын болон засаглалын байдалд аудит хийх

2.     Эрсдэлийн удирдлагын тогтолцооны үр ашигтай байдалд аудит хийх

3.     Орон нутгийн төрийн сангийн үйл ажиллагаанд аудит хийх

4.     Нягтлан бодох бүртгэлийн үнэн зөв, найдвартай байдалд аудит хийх

5.     Төсвийн ерөнхийлөн захирагчийн шийдвэрээр тусгайлан явуулах аудит

6.     Холбогдох стандартын хүрээнд тодорхойлсон бусад аудит

 

Санхүүгийн хяналт, аудитын үйл ажиллагаа нь холбогдох хууль, тогттомж болон Дотоод аудитын мэргэжлийн практикийн олон улсын стандартад нийцсэн, санхүү, төсвийн асуудал хариуцсан төрийн захиргааны төв байгууллагаас баталсан стандарт, арга зүйн хүрээнд явагдана.